AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

STOP INTRUSISMO COPG. Formulario Denuncia Intrusismo

O Colexio Oficial de Psicoloxía de Galicia creou a Comisión para a Defensa da Profesión e Prevención do Intrusismo co obxectivo de fomentar e potenciar o recoñecemento da psicoloxía como profesión necesaria na sociedade que entre outras metas pretende erradicar a proliferación das pseudoterapias, pseudociencias ou prácticas non reguladas de profesionais doutros ámbitos e que realizan actividades propias da dos e das profesionais da psicoloxía.

 É un labor de todos e todas contribuír a eliminación do instrusismo como un problema que pode poñer en risco a saúde dos usuarios e usuarias.

 Para o exercicio da profesión é requisito estar inscrito no Colexio Profesional de Psicoloxía correspondente segundo a comunidade autónoma na que exerza, tal e como indica o artigo 3.2 da Lei 2/1974, de 13 de febreiro e a súa reforma na Lei 25/2009, de 22 de decembro (Lei Ómnibus).

 No caso de ter coñecemento dalgún caso de intrusismo, agradecemos a túa colaboración, comunicándoo ao Colexio a través do seguinte formulario:

Datos da persoa denunciante
Un único e-mail
Datos da persoa denunciada
En cumprimento do disposto no Artigo 5 da Lei Orgánica de Protección de Datos de Carácter Persoal, informámosche que os teus datos pasarán a formar parte dun ficheiro, propiedade do Colexio Oficial de Psicoloxía de Galicia, co nome “CONSULTAS E SUXESTIONS”, que ten como finalidade a xestión e resposta das consultas e suxerencias realizadas a traves da páxina web, existindo o noso compromiso no tratamento de ditos datos cos criterios de calidade e seguridade esixidos pola lexislación vixente, informándoche asemade que poderás exercer os dereitos de acceso, rectificación, cancelación ou oposición, mediante comunicación dirixida ao Colexio Oficial de Galicia (Rúa Espiñeira, 10-Baixo. 15706 Santiago de Compostela. E-mail: copgalicia@cop.es. Tfno.: 981 534 049. Fax: 981 534 983)