O Colexio Oficial de Psicoloxía de Galicia vai celebrar o I Congreso Nacional de Psicoloxía de Emerxencias “Sostendo emocións nas emerxencias” os días 2, 3 e 4 de maio de 2024 en Santiago de Compostela.
Queremos así, promover unha maior visibilidade do Congreso compartindo a experiencia e os coñecementos de recoñecidos profesionais expertos en Psicoloxía de Emerxencias de todo o territorio español que participarán ao longo destes tres días.
Desde o Colexio Oficial de Psicoloxía de Galicia, como entidade promotora, consideramos que este congreso nacional, será unha boa ocasión para sensibilizar sobre o valor da atención psicolóxica en situacións de emerxencias e a necesidade de contar con profesionais especializados neste ámbito.
Serán tres días de intensa actividade cun atractivo programa que estamos ultimando e co que pretendemos abordar a importancia da intervención psicolóxica nas emerxencias para axudar ás persoas e comunidades a facer fronte para integrar o impacto dunha situación crítica nas súas vidas, promovendo a resiliencia.
Así mesmo, informámosche que o Congreso vaise celebrar na Facultade de Psicoloxía da Universidade de Santiago de Compostela e será en formato presencial e en streaming.
Nas vindeiras semanas esperamos poder difundir o programa preliminar do Congreso.
