AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Convocatoria Asemblea Xeral Extraordinaria de Colexiados e Colexiadas do COPG

28/11/2017

Convócase á xuntanza extraordinaria da ASEMBLEA XERAL DE COLEXIADOS E COLEXIADAS DO COLEXIO OFICIAL DE PSICOLOXÍA DE GALICIA (COPG) que se celebrará de acordo ao seguinte: 

Día:

Martes, 12 de decembro de 2017                        

Hora:

20:00 h. en primeira convocatoria
20:30 h. en segunda convocatoria 

Lugar:

Sede do COPG en Santiago de Compostela (Rúa Espiñeira, 10-Baixo) 

ORDE DO DÍA

1.  Solicitude de autorización para o investimento de bens colexiais para a merca dun local colindante ao Colexio a proposta da Xunta de Goberno.