AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Novas

Nova etapa da Sección de Psicoloxía do Traballo e das Organizacións do COPG Sección de Psicoloxía do Traballo e das Organizacións do COPG

23/5/2018

Neste mes de maio vén de constituírse a primeira Xunta Directiva da Sección de Psicoloxía do Traballo e das Organizacións (PTO) do Colexio Oficial de Psicoloxía de Galicia, que vén completar a estrutura orgánica desta corporación de dereito público. Deste xeito, preténdese continuar favorecendo o desenvolvemento científico profesional da psicoloxía neste ámbito, ao igual que nas demais seccións coas que conta o COPG (Psicoloxía e Saúde, Psicoloxía Educativa, Psicoloxía da Intervención Social e Psicoloxía Xurídica).

Información. Teléfono do COPG

22/5/2018

Informamos de que recentemente fixéronse uns cambios na centraliña telefónica para a mellora da atención no Colexio Oficial de Psicoloxía de Galicia. Debido a isto, a partir de agora, nas chamadas saíntes do COPG, aparecerá o teléfono de contacto 6483121061042. Para contactar co COPG, podes facelo no teléfono habitual: 981 534 049.

Proclamación definitiva de resultados Eleccións á Xunta de Goberno do COPG

22/5/2018

A Comisión Electoral do COPG, na súa reunión do 22 de maio de 2018, cumpridos os prazos estipulados para a presentación de reclamacións, en cumprimento do disposto no Artigo 42 dos Estatutos do Colexio Oficial de Psicoloxía de Galicia (Decreto 114/2008, do 22 de maio da Xunta de Galicia. DOG nº 110 de 9 de xuño de 2008) 

ACORDA 

A proclamación definitiva da nova Xunta de Goberno do Colexio Oficial de Psicoloxía de Galicia, coa composición que de seguido se detalla: 

V Xornada do Movemento Galego da Saúde Mental

18/5/2018

O vindeiro 2 de xuño, o Movemento Galego da Saúde Mental (MGSM), do que o Colexio Oficial de Psicoloxía de Galicia forma parte, celebrará as V Xornadas do Movemento Galego de Saúde Mental.

Terán lugar en Santiago de Compostela, na Facultade de Psicoloxía da Universidade de Santiago de Compostela, e darán comezo ás 9.00 horas. 

A inscrición é gratuíta e só se verá limitado pola capacidade de aforo do salón de actos, dándose prioridade por orden de inscrición. 

I Curso sobre cans perigosos: Educación e tenencia responsable. Como conseguir un can equilibrado"

14/5/2018

O Grupo de Tráfico e da Seguridade do Colexio Oficial de Psicoloxía de Galicia organiza o vindeiro 9 de xuño no salón de actos do COPG o I Curso cans perigosos "Educación e tenencia responsable. Como conseguir un can equilibrado".

O obxectivo do curso será proporcionar aos/ás profesionais da psicoloxía coñecementos e instrumentos para o exercicio no desempeño profesional que lle posibiliten acadar as competencias e realizacións profesionais propias do perfil da Psicoloxía do Tráfico e da Seguridade. (Perfil aprobado polo Consejo General de la Psicología , xuño 2016).

Xornada “A psicoloxía clínica entre a atención primaria e a atención especializada”

11/5/2018

A Asociación de psicólogos clínicos do SERGAS (APSCS), en colaboración co Colexio Oficial de Psicoloxía de Galicia e a Asociación Galega de Psicólogos Internos Residentes (AGAPIR), organizan a Xornada “A psicoloxía clínica entre a atención primaria e a atención especializada”, que se celebrará os días 15 e 16 de xuño no Antigo Hospital de San Roque (R/ San Roque, nº 2 -15704 Santiago de Compostela) e no Colexio Oficial de Psicoloxía de Galicia (R/ Espiñeira, nº 10 – baixo, 1706 – Santiago de Compostela).

Proclamación á Xunta Directiva da Sección de Psicoloxía do Traballo e das Organizacións

7/5/2018

En cumprimento do disposto no Regulamento de Réxime Interior da Sección de Psicoloxía do Traballo e das Organizacións (PTO), comunícase aos membros da Sección os resultados do proceso electoral:

Con data 7 de maio de 2018, a Comisión Electoral procedeu á proclamación definitiva da nova Xunta Directiva da Sección de Psicoloxía do Traballo e das Organizacións do Colexio Oficial de Psicoloxía de Galicia coa composición que de seguido se detalla:

Apertura do prazo de presentación de propostas de traballo para a publicación no Anuario de Psicoloxía e Saúde en formato de "Casos Clínicos" ou de "Comunicacións Libres"

7/5/2018

Informamos de que está aberto o prazo para presentar propostas de traballos de xeito aberto para a súa publicación no Anuario Psicoloxía e Saúde en formato de “Casos Clínicos” ou de “Comunicacións Libres”. Estes apartados estarán abertos á participación de todos os colexiados e colexiadas do COPG.  

NORMAS DE PUBLICACIÓN DOS CASOS CLÍNICOS: 

Páxinas

Subscribe to Novas