AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Tempo da psicoloxía

15/2/2019

 

TEMPO DA PSICOLOXÍA é unha iniciativa conxunta da Facultade Psicoloxía da Universidade de Santiago de Compostela e do Colexio Oficial de Psicoloxía que tenta promover a divulgación e a reflexión desta ciencia que promove o benestar e a saúde das persoas e das comunidades. 

Nesta primeira edición centrarémonos na violencia, que abordaremos en catro contextos: o deporte, os centros educativos, o ámbito familiar e a violencia de xénero. 

Profesionais da psicoloxía e doutros eidos, representantes de colectivos e responsables políticos participarán nunha serie de palestras deseñadas cunha especial énfase no aspecto comunicativo, co fin de achegarnos a estas cuestións de plena actualidade a través do prisma da Psicoloxía. 

Entre o 18 e o 21 de febreiro é TEMPO DA PSICOLOXÍA, ven compartir con nós experiencias e coñecementos.  

A entrada é libre ata completar o aforo, excepto a conferencia do 21 de febreiro, que vai dirixida á comunidade académica.  

Agardámoste en Santiago de Compostela. 

Programa