venres, Xuño 21, 2024 - 09:00
A Sección de Psicoloxía e Saúde do Colexio Oficial de Psicoloxía de Galicia organiza o Curso “A atención da desatención. Unha mirada crítica sobre o TDAH. A intervención dende unha perspectiva integral”, que se celebrará os días 21 e 22 de xuño de 2024 en Santiago de Compostela.
O curso ten como obxectivos caracterizar o TDAH, identificar a problemática actual relacionada co seu diagnóstico e as consecuencias para a súa intervención e tratamento e traballar ferramentas que permitan desenvolver criterios para o seu manexo na vida diaria.
Para a inscrición é preciso enviar o boletín cuberto ao enderezo electrónico copgalicia@copgalicia.gal ata o 11 de xuño, ou ben realizar a inscrición a través da sede electrónica do COPG.
