AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Novas

Información de interese: X Congreso (Inter)Nacional de Psicoloxía Xurídica e Forense

15/2/2017

Por se é do teu interese, informamos de que a Sociedad Española de Psicología Jurídica y Forense (SEPJF) vai celebrar o X Congreso (Inter)Nacional de Psicoloxía Xurídica e Forense no que se abordará calquera problemática que relacione a psicoloxía e a lei (testemuña, penitenciaria, delincuencia, forense, protección de menores, vitimización, avaliación do risco, violencia familiar e de xénero, deontoloxía, etc..)  orientándose principalmente á transferencia (da investigación científica ao desempeño profesional) e difusión (prácticas profesionais) do coñecemento.

Subscribe to Novas