AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Grupo de Intervención Psicolóxica en Catástrofes e Emerxencias

Coordinadora do Grupo de Intervención Psicolóxica en Catástrofes e Emerxencias (GIPCE)

Membros da Coordinadora:

Ana Isabel Martínez Arranz, Coordinadora
Julita Mª Touriño Araújo, Secretaria
Ana Mª Núñez Rubines,
Área de documentación e comunicación.
Emma Diéguez Teijeiro, Área de documentación e comunicación. 
Aurora Rozadilla Arias, Área de intervención.
Mª del Carmen González Hermo, Área de intervención.
Concepción López Martín, Área de formación.
José Ramón García Gómez, Área de formación.


Grupo de Gardas do GIPCE

Quen somos
Somos psicólogos e psicólogas colexiados especializados na atención psicolóxica en situación de emerxencia e catástrofes.

Pertencemos ao Colexio Oficial de Psicoloxía de Galicia e desde o ano 1997 temos convenio coa Xunta de Galicia.
A nosa andadura comezou no ano 1996 a raíz dos movementos sísmicos de Lugo e Ourense, baixo o nome de Grupo de Protección Civil.

A partir dos atentados do 11-M no ano 2004 demos un salto cualitativo e cuantitativo, xerándose unha REDE de profesionais capaz de dar unha resposta eficaz neste tipo de situacións as 24 horas do día durante os 365 días do ano na nosa comunidade.

Obxectivos

Coas persoas afectadas:
Minimizar o impacto nelas.
Restaurar as súas capacidades e recursos para que poidan resolver o máis eficazmente a situación de estrés.
Previr posibles problemas psicolóxicos posteriores.

Coa dirección da emerxencia:
Asesorar do impacto psicolóxico das súas actuacións nos colectivos afectados.

Cos grupos de intervenientes:
Diminuír o nivel de estrés que poden experimentar derivado da situación.

Cando intervimos
Situacións debidas a accidentes, inundacións, naufraxios, desaparicións, secuestros, situación de violencia, …, nas que haxa persoas afectadas que precisen de atención psicolóxica. Como poden ser:

- Cando haxa dúas ou máis persoas falecidas dunha mesma familia.
- Cando haxa menores entre as persoas falecidas ou afectadas.
- Cando o suceso se produza en contornos moi sensibles como centros escolares, centros comerciais, parques infantís, residencias, …
- Cando as persoas falecidas sexan por naufraxios.
- Cando polas características do suceso prevexan complicacións no rescate ou prolongación da atención no mesmo lugar do suceso.
- Cando o impacto e alarma social sexa alta.

Desde o GIPCE intervimos durante o tempo que dura a situación crítica.

Regulamento de Réxime Interno do GIPCE [ver pdf]