AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Comisión de Psicoloxía do Deporte

Coordina a información:Eva García Quinteiro

Membros da Comisión:
Mª Dolores González Fernández, Coordinadora
Eva Mª García Quinteiro
Graciela Lois Río
Julio Manuel Prol Bao
Delfina Vicente Santiago
Iria Salvador Pérez
Constantino Arce Fernández
Rubén López López
Lesmes Manuel Rivas Iglesias

Obxectivos:

A Psicoloxía do Deporte e o ejercicio físico é o estudo científico das persoas e a súa conduta no contexto do deporte e a actividade física. En liñas xerais a psicoloxía deportiva pode axudar a:

- Optimizar o rendemento deportivo mediante o adestramento de habilidades psicolóxicas implicadas na actividade física e no deporte (motivación, atención, autoconfianza...).
- Orientar e asesorar a técnicos/as e responsables do deporte base e iniciación.
- Deseñar e aplicar estratexias psicolóxicas para o mantemento e modificación da actividade física e deportiva.
- Asesorar na xestión e dirección de entidades e instalacións deportivas.
- Formar a técnicos/as, monitores/as, adestradores/as e demais persoal vencellado coa actividade física.
- Axudar a establecer un clima adecuado para a práctica deportiva...

A Psicoloxía do Deporte dirixe o seu traballo a deportistas, adestradores/oras, árbitros e xuíces deportivos, pais de deportistas, directivos/as, etc..

O seu ámbito de actuación abarca o deporte de rendemento, o deporte de base e iniciación deportiva, organización de entidades deportivas, arbitraxe e xuízo deportivo, actividade física, ejercicio e saúde, poboacións especiais, etc…

División de Psicoloxía da Actividade Física e do Deporte [accede á información]