AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Novas

“Obradoiro Mellora do benestar de persoas con demencia mediante o manexo da conduta adecuada das alteracións. Centrándonos na persoa, non na alteración”

30/10/2018

O día 15 de decembro de 2018, en horario de 09:30 a 17:30 horas celebrarase na sede colexial o “Obradoiro Mellora do benestar de persoas con demencia mediante o manexo da conduta adecuada das alteracións. Centrándonos na persoa, non na alteración” organizado pola Sección de Psicoloxía da Intervención Social do Colexio Oficial de Psicoloxía de Galicia. 

Día Internacional das Persoas Maiores “Por Unha Atención Integral Digna. Pregunta aos teus Maiores”

1/10/2018

Baixo o lema “Por unha atención integral digna. Pregunta aos teus maiores” desde o Grupo de Traballo de Psicoloxía do Envellecemento queremos aproveitar o Día Internacional das Persoas de Idade para poñer de relevo a importancia de que as persoas maiores reciban unha atención integral digna. É por iso polo que, ademais de que se vexan cubertas as súas necesidades básicas, é preciso que haxa unha promoción cara a un envellecemento activo e saudable, tendo en conta o proxecto de vida de cada persoa, para o que é necesario preguntarlles e que, con iso, se sintan escoitados.

Curso "Xestión de conflitos na comunidade"

5/10/2017

A Sección de Psicoloxía da Intervención Social do Colexio Oficial de Psicoloxía de Galicia, en colaboración do Concello de Santiago de Compostela a través da Concellaría da Área de Política Social, Diversidade e Saúde, organiza o vindeiro sábado 14 de outubro de 2017 o curso "Xestión de conflitos na comunidade” que se celebrará no Salón de Actos do COPG (Rúa Espiñeira, 10 – baixo  |  15706 Santiago de Compostela).

Ante as declaracións da Valedora do Pobo sobre as persoas sen fogar de Santiago de Compostela, o Colexio Oficial de Traballo Social, O Colexio Oficial de Educadores e Educadoras Sociais e o Colexio Oficial de Psicoloxía fan o seguinte manifesto.

2/12/2016

MANIFESTO

Todos, todas somos diversos. Todas, todos, somos funcionais

3/12/2016

Estamos rodeados de xente diversa. Estamos rodeados de xente diversa funcionalmente. Todos, todas, somos diversos funcionalmente. En tempos díxose que había xente deficiente. Logo foi xente que tiña menos capacidades e por fin xente que tiña menos valor que a xente normal. Ata que nos demos conta de que as persoas son normais e que non hai persoas máis normais ca outras. Todos, todas, nun momento da vida, necesitamos, necesitaremos, apoio.

Subscribe to Novas