Todos, todas somos diversos. Todas, todos, somos funcionais

3/12/2016

Estamos rodeados de xente diversa. Estamos rodeados de xente diversa funcionalmente. Todos, todas, somos diversos funcionalmente. En tempos díxose que había xente deficiente. Logo foi xente que tiña menos capacidades e por fin xente que tiña menos valor que a xente normal. Ata que nos demos conta de que as persoas son normais e que non hai persoas máis normais ca outras. Todos, todas, nun momento da vida, necesitamos, necesitaremos, apoio.

O día 3 de decembro é para lembrar, para lembrármonos que todos, que todas, somos diversos funcionais e que podemos contribuír á independencia das persoas. Cada quen desde cadansúa diversidade, desde a súa función. A psicoloxía é consciente diso.