A Sección de Psicoloxía do Traballo e das Organizacións do Colexio Oficial de Psicoloxía de Galicia e a División de PTORH do Consejo General de la Psicología organizan o Webinar “Uso, mal uso e abuso de medicamentos e outras sustancias no contexto laboral: Riscos, prevención e solucións”, en colaboración co Instituto de Seguridade e Saúde Laboral de Galicia,que se celebrará o día 6 de febreiro de 2025 a través da plataforma de teleformación Moodle do COPG e Zoom.

 O Colexio Oficial de Psicoloxía de Galicia, en colaboración coa aseguradora Brokers'88, vén de convocar a cuarta edición dos seus Premios de Comunicación Xoán Vicente Viqueira, unha iniciativa coa que pretende recoñecer o labor divulgativo da Psicoloxía nos medios de comunicación. De acordo coas bases, están contempladas dúas categorías, dotadas con 2.000 euros cada unha delas.

A Comisión Intersectorial de Mediación do Colexio Oficial de Psicoloxía de Galicia organiza o curso “Intervención motivacional en conflitos: Vencer resistencias aos encontros de mediación”, que se celebrará o día 25 de xaneiro de 2025 en Santiago de Compostela.

O Grupo de Traballo EMDR e Trauma da Sección de Psicoloxía e Saúde do Colexio Oficial de Psicoloxía de Galicia, organiza o II Encontro sobre Trauma e EMDR, que se celebrará o 15 de xaneiro de 2025 a través da plataforma de teleformación Moodle do COPG e Zoom.

O encontro ten como obxectivo divulgar a importancia que ten o trauma na orixe e tratamento dos trastornos mentais.

Fanse 20 anos dun dos fitos máis importante na loita contra as violencias machistas no noso país, a aprobación da Lei Orgánica 1/2004, do 28 de decembro, de Medidas de Protección Integral contra a Violencia de Xénero; un antes e un despois na conceptualización e articulación de medidas específicas para erradicar a maior vulneración dos Dereitos Humanos das mulleres e nenas no noso país. Vinte anos de desenvolvemento normativo estatal e autonómico, de creación de estruturas e da rede de atención a vítimas da violencia de xénero, de traballo a nivel preventivo e de sensibilización.

O martes 24 e o martes 31 de decembro de 2024, a sede do Colexio Oficial de Psicoloxía de Galicia permanecerá pechada, de acordo co Convenio colectivo de oficinas e despachos provincial da Coruña 2023-2025.

Así mesmo, informamos de que non haberá servizo de asesoría xurídica entre o 23 de decembro e o 6 de xaneiro, ambos incluídos.

O Colexio Oficial de Psicoloxía de Galicia expresa a súa máis rotunda condena ao asasinato cometido este mércores en Viveiro e que se está a investigar como violencia de xénero, ao tempo que desexa trasladar a súa solidariedade e as súas condolencias á familia e ás persoas achegadas da vítima.

O curso “Psicoterapia e trauma relacional (2ª edición)", organizado pola Sección de Psicoloxía e Saúde do Colexio Oficial de Psicoloxía de Galicia, se celebrará o día 11 de xaneiro de 2025.

Este curso ten como obxectivos coñecer e profundar sobre o trauma relacional, as súas manifestacións na poboación infanto xuvenil, coñecer os principais retos que supón a intervención psicoterapéutica nesta situación e profundar nas pautas da intervención psicoterapéutica, dende unha visión sistémica.

Con motivo da Conmemoración do Día Internacional dos Dereitos Humanos este 10 de decembro, o Colexio Oficial de Psicoloxía de Galicia lembra que a atención á saúde mental, desde o ámbito preventivo á intervención, é imprescindible para garantir a defensa da persoa e dos seus dereitos.