AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Sección de Psicoloxía Educativa


Coordina a información
: Ana María Ulloa Lage

Membros da Xunta Directiva da Sección
Manuela del Palacio GarcíaPresidenta
Ana María Ulloa LageVicepresidenta
M. Asunción Teijeira BautistaSecretaria
María Begoña Castro IglesiasTesoureira 
Concepción López MartínVogal
Nuria Lago Fernández, Vogal
Purificación Alberte IglesiasVogal


Obxectivos:
Os obxectivos prioritarios da Sección son: Potenciar o desenvolvemento científico, técnico e profesional do seu ámbito disciplinario; promover a cooperación e o intercambio de información e experiencia profesional entre os seus membros; potenciar a investigación e formación no ámbito propio organizando xornadas, cursos, etc… así como potenciar a proxección pública da profesión.

Asesorar ante as demandas dos profesionais, dos medios de comunicación e outros sectores sociais. Establecer as relacións oportunas con diferentes institucións, asociacións, …. Defender a calidade e rigor da práctica profesional dos Psicólogos e Psicólogas Educativas ante o intrusismo mediante a difusión do rol do Psicólogo e Psicóloga Educativa, as competencias profesionais e do Código Deontolóxico.

Requisitos:
Para ser membro da Sección acreditarase o desempeño profesional actual na Psicoloxía Educativa, ou ben a formación especializada na mesma a través de sistemas acreditados ou o desempeño profesional no pasado durante un período mínimo dun ano.

A solicitude de ingreso realizaraa o/a colexiado/a cumprimentando a solicitude prevista a tal efecto.

 
Solicitude [ver pdf]

Regulamento de Réxime Interno da Sección de Psicoloxía Educativa [ver pdf]

División de Psicoloxía Educativa [accede á información]