AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Comisión intersectorial de Xénero

Coordina a información: Concepción Rodríguez Pérez

Composición da Comisión:

Concepción Rodríguez Pérez, Vogal da Xunta de Goberno do COPG, Coordinadora da Comisión
María Lueiro Mendoza, Representante da Sección de Intervención Social
Mª Begoña Castro Iglesias, Representante da Sección de Educativa
Rosa Cerqueiro Landín, Representante da Sección de Psicoloxía e Saúde
Rubén Villar Trenco, Coordinador do Programa “Abramos o Círculo”
Fátima López Rodríguez, Coordinadora do Programa de Atención Psicolóxica a Mulleres que Sofren Violencia de Xénero
Margarita de la Calle Bermejo, Grupo de Traballo dos CIMs
Concepción Fernández Martínez, Vogal da Sección de Psicoloxía Xurídica
Sandra Iglesias Rodríguez, Representante da Sección de Psicoloxía do Traballo e das Organizacións.

Obxectivos:
Esta Comisión pretende avanzar e afondar nos cambios sociais (e profesionais) que contribúen a facer realidade o principio de igualdade entre mulleres e homes no ámbito da nosa profesión.

Nace do convencemento de que as políticas de igualdade benefician ao conxunto da población e son necesarias para avanzar cara unha sociedade máis xusta e máis igualitaria.

O obxectivo xeral é contribuír á corrección da discriminación das mulleres proponiendo unha serie de actuacións concretas que camiñen cara a igualdade real. Para conquerir este obxectivo é necesaria unha actuación conxunta desde os diferentes ámbitos da Psicoloxía ou, expresado doutro xeito, contemplar a cuestión de xénero como un eixo transversal das actuacións do Colexio Oficial de Psicoloxía de Galicia.