AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Novas

Encontro Institucional da Division PTORH en Galicia

9/11/2018

A División de Psicoloxía do Traballo, das Organizacións e dos Recursos Humanos (PTORH) do Consejo General de la Psicología, celebrará a súa reunión da Xunta Directiva nos próximos días 29 e 30 de novembro no COPG. Con tal motivo, tamén terá unha sesión de traballo coa Xunta Directiva da Sección PTO para tratar, entre outros, temas relacionados coa acreditación profesional Europsy, as normas sobre a xestión e avaliación de persoas nas organizacións e a axenda de proxectos para o 2019.

Nova etapa da Sección de Psicoloxía do Traballo e das Organizacións do COPG

23/5/2018

Neste mes de maio vén de constituírse a primeira Xunta Directiva da Sección de Psicoloxía do Traballo e das Organizacións (PTO) do Colexio Oficial de Psicoloxía de Galicia, que vén completar a estrutura orgánica desta corporación de dereito público. Deste xeito, preténdese continuar favorecendo o desenvolvemento científico profesional da psicoloxía neste ámbito, ao igual que nas demais seccións coas que conta o COPG (Psicoloxía e Saúde, Psicoloxía Educativa, Psicoloxía da Intervención Social e Psicoloxía Xurídica).

A Sección de Psicoloxía do Traballo e das Organizacións (PTO) participa nas Xornadas Técnicas do ISSGA

11/10/2017
O  Instituto Galego de Seguridade e Saúde Laboral (ISSGA) da Xunta de Galicia celebra as Xornadas Técnicas sobre "Traballos saudables en cada idade. Idade e diversidade: impacto na xestión de PRL", que se celebrarán nos Centros ISSGA de Lugo (Lugo, xoves 19 de outubro) e de Pontevedra (Rande, venres 20 de outubro).
 

A Sección de Psicoloxía do Traballo e das Organizacións informa sobre a Acreditación EUROPSY

22/6/2017

Co obxectivo de solicitar dunha forma máis sinxela o Certificado de Especialista en Psicoloxía do Traballo e das Organizacións pola vía de veteranos, se levas inscrito como mínimo 2 anos na División, e a túa solicitude de incorporación como membro ordinario, foiche comunicada polo Consejo, poderás solicitalo cumprimentando os seguintes anexos e mandalos ao teu COP correspondente: 

** Solicitude Europsy Especialista en Traballo atopándose en posesión do Certificado Europsy básico vixente: 

Subscribe to Novas