AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

A Sección de Psicoloxía do Traballo e das Organizacións (PTO) participa nas Xornadas Técnicas do ISSGA

11/10/2017
O  Instituto Galego de Seguridade e Saúde Laboral (ISSGA) da Xunta de Galicia celebra as Xornadas Técnicas sobre "Traballos saudables en cada idade. Idade e diversidade: impacto na xestión de PRL", que se celebrarán nos Centros ISSGA de Lugo (Lugo, xoves 19 de outubro) e de Pontevedra (Rande, venres 20 de outubro).
 
Esta actividade está enmarcada no convenio de colaboración do Colexio Oficial de Psicoloxía de Galicia (COPG)  co ISSGA e paarticipará como relator Antonio Fuertes Saavedra membro do Grupo de traballo sobre Saúde e Benestar Ocupacional e vogal da Comisión Coordinadora da Sección de PTO. 
 
Ligazóns: información e programa