AVISOS
O Colexio Oficial de Psicoloxía de Galicia e a Federación Galega de Esclerose Múltiple (FEGADEM) asinaron esta mañá na sede do COPG un convenio marco de colaboración coa intención de poñer en marchar medidas e puntos de defensa comúns, así como para a elaboración dunha guía de carácter público sobre a abordaxe da patoloxía da esclerose múltiple.
O Colexio Oficial de Psicoloxía de Galicia expresa a súa máis rotunda condena ao asasinato machista cometido onte mércores na Coruña, ao tempo que desexa trasladar a súa solidariedade e as súas condolencias á familia e ás persoas achegadas da vítima.
O Rexistro permanecerá aberto, co cal continuaremos proporcionando datos permanentemente, así que calquera modificación que afecte ao teu expediente como profesional sanitario/a (titulacións, inhabilitacións, baixas etc.) deberá ser comunicada para que poidamos informar puntualmente. Todas as persoas que xa os proporcionáchedes non teríades que facer nada máis.
O FOCAD é unha formación a distancia elaborada polo Consejo General de la Psicología e a cal poden acceder todos os colexiados e colexiadas de maneira gratuíta.
Co obxectivo de que os novos colexiados e colexiadas poidan acceder ás anteriores edicións do FOCAD, o Consejo General de la Psicología van ofrecer progresivamente os cursos das 35 edicións realizadas ao longo destes 9 anos, revisadas e actualizadas.
A decana do Colexio Oficial de Psicoloxía de Galicia, Mª Rosa Álvarez Prada, repasa nunha entrevista para La Voz de Galicia, algunhas das prioridades para a profesión no novo mandato da Xunta de Goberno.
O Colexio Oficial de Psicoloxía de Galicia presentou alegacións ao borrador do "Proceso asistencial integrado de esclerose lateral amiotrófica" da Subdirección Xeral de Planificación e Programación Asistencial da Consellería de Sanidade da Xunta de Galicia.
Este 20 de xuño conmemórase o Día Mundial das Persoas Refuxiadas, unha data instaurada desde 2001 a partir dunha Resolución da Asemblea Xeral de Nacións Unidas. O Colexio Oficial de Psicoloxía de Galicia súmase a esta conmemoración e participou nun grande acto reivindicativo organizado polo Concello de Santiago xunto con representantes dos concellos de Teo e Ames, e das entidades Médicos do Mundo, Cruz Vermella, Unicef, a Coordinadora Galega de ONGs, a Fundación Ronsel, e o Foro Galego Inmigración.
O grupo de traballo de Psicoloxía Clínica en Atención Primaria da Sección de Psicoloxía e Saúde vén de elaborar o "Documento Marco da Psicoloxía Clínica en Atención Primaria", co obxectivo de promover que a atención psicolóxica sexa unha prestación real á que as persoas poidan acceder desde o primeiro nivel asistencial. Neste documento analízase a realidade lexislativa e asistencial da saúde mental en Atención Primaria en Galicia, para propoñer un modelo alternativo baseado en experiencias nacionais e internacionais, co fin de dar unha resposta a este problema de saúde pública.
O Colexio Oficial de Psicoloxía de Galicia expresa a súa máis rotunda condena ao asasinato machista cometido onte luns no Porriño, en Pontevedra, ao tempo que desexa trasladar a súa solidariedade e as súas condolencias á familia e ás persoas achegadas da vítima.
O Grupo de Traballo de Psicoloxía do Envellecemento do COPG, un ano máis, quere colaborar no Día Mundial para a Concienciación sobre o abuso e malos tratos ás persoas maiores, que se celebra o 15 de xuño, coa publicación dun Manifesto sobre os seus dereitos.
Cremos que a mellor maneira de loitar contra esta problemática é evidenciar que, detrás de actitudes e comportamentos socialmente aceptados, se esconden accións abusivas cara ás Persoas Maiores e que a sociedade ignora, normaliza ou silencia.