Tras a firma do acordo entre ATA Autónomos e o Consejo de la Psicología de España, ATA ofrece aos profesionais da psicoloxía un servizo de xestión integral nas axudas para dixitalizar o negocio, dentro do programa Kit Dixital, dirixidas a todas as persoas traballadoras autónomas e empresas.
Infórmase de que os/as licenciados/as en Psicoloxía pola Universidade de Santiago de Compostela (USC), ou calquera outra universidade, con anterioridade ao 1 de outubro de 2009, poden solicitar o certificado pedagóxico e didáctico nas instancias administrativas da propia universidade.
Podes acceder aquí aos arquivos coa normativa e modelo de solicitude: [acceder]
O Colexio Oficial de Psicoloxía de Galicia (COPG) pon en funcionamento a súa sede electrónica. Un sistema seguro e que substituirá, para quen así o elixa, a notificación en papel ou por correo electrónico.
Podes acceder no seguinte enlace: https://sede.copgalicia.gal/
Para resolver calquera dúbida ou aclaración sobre esta cuestión, podes contactar na dirección electrónica copgalicia@copgalicia.gal
A continuación deixamos información sobre o servizo PIN 24 horas (PIN24H) que ofrece o Colexio Oficial de Psicoloxía de Galicia para a identificación na sede electrónico do COPG para as persoas que non dispoñen de certificado dixital e así poder realizar calquera trámite de xeito telemático na mesma con total seguridade.
