"Programa de adestramento no cultivo da compaixón"

AVISO: INSCRICIÓN PECHADA, TODAS AS PRAZAS ESTÁN CUBERTAS. 

O Espazo de Autocoidado do COPG pon en marcha o “Programa de adestramento no cultivo da compaixón”, que se desenvolverá en modalidade online todos os mércores desde o 12 de maio ata o 30 de xuño.

O curso, deseñado para cultivar a compaixón, a empatía, o amor, a resiliencia e o benestar a través do adestramento da compaixón, vai dirixido a colexiados e colexiadas do COPG, cun límite de 25 prazas.

16/4/2021

Curso “A gamificación como novo recurso na práctica psicolóxica”

A Sección de Psicoloxía do Traballo e das Organizacións do COPG organiza o curso “A gamificación como novo recurso na práctica psicolóxica”, que se desenvolverá en modalidade online asíncrona a través da plataforma de teleformación Moodle do COPG entre o 10 de maio e o 10 de xuño. 

Os obxectivos principais do curso son dar a coñecer que é a gamificación e a súa potencial axuda á práctica psicolóxica en calquera ámbito profesional, así como aprender a deseñar e desenvolver un sistema gamificado ou un serious game

15/4/2021

O COPG e a Confederación de Empresarios de Lugo acordan colaborar en materia de formación e asesoramento

O Colexio Oficial de Psicoloxía de Galicia (COPG) e a Confederación de Empresarios de Lugo (CEL) colaborarán en iniciativas conxuntas no ámbito da formación e do asesoramento organizacional. Así se recolle no convenio que asinaron esta mañá a decana da organización colexial, María Rosa Álvarez Prada, e o secretario xeral da patronal, Jaime Luis López Vázquez, na sede da propia CEL, en Lugo.

14/4/2021

Acto de benvida a novos colexiados e colexiadas 2021

Co obxectivo de manter un primeiro contacto desde a Xunta de Goberno do Colexio Oficial de Galicia, deseñamos un Encontro para Novos Colexiados e Colexiadas, unha xuntanza os colexiados e colexiadas que vos incorporastes nestes primeiros meses de 2021 ao COPG. 

Para nós é moi importante poder contar coa túa participación neste encontro, xa que é unha oportunidade para coñecernos e presentarche máis polo miúdo o teu colexio profesional, os servizos e actividades, e aproveitar para recoller as túas impresións para mellorar no futuro. 

14/4/2021

O Colexio Oficial de Psicoloxía de Galicia lembra o papel preventivo dos medios de comunicación na violencia contra as mulleres

O Colexio Oficial de Psicoloxía de Galicia lembra o importante papel dos medios de comunicación en materia de prevención e sensibilización contra a violencia de xénero, nos seus contidos informativos e de entretemento. Isto débese á emisión do programa Land Rober - Tunai Show de onte xoves 8 de abril, no que unha muller do público, sen o seu consentimento, foi presionada para reunirse coa súa ex parella ao longo de toda a emisión, ata que rematou por relatar unha situación de violencia psicolóxica.

9/4/2021

Sesión Interactiva "Ser psicóloga no mundo empresarial: como atopar o noso lugar e aportar valor”

Dentro das actividades que cada ano organiza a Sección de Psicoloxía do Traballo e das Organizacións (PTO) do Colexio Oficial de Psicoloxía de Galicia coa Facultade de Psicoloxía da Universidade de Santiago de Compostela (USC), atópase a Sesión Interactiva cos estudantes e profesionais do ámbito das organizacións. 

9/4/2021

Sesión 1 - Falamos: Presentación Estudo

No marco de "Falamos. Ciclo de Experiencias Compartidas do COPG", presentamos a próxima sesion do xoves 8 de abril de 2021, ás 20:00h, na que xa podes inscribirte de xeito totalmente gratuíto. 

Trátase da presentación de resultados preliminares do estudo sobre o impacto na calidade da relación terapéutica da comunicación por videoconferencia e das medidas de prevención da COVID-19 nas consultas presenciais. 

1/4/2021

"Falamos. Ciclo de Experiencias Compartidas do COPG"

Desde a Vogalía de Formación presentamos unha nova iniciativa: "Falamos, ciclo de experiencias compartidas do COPG". 
 
Trátase dun espazo para compartir aprendizaxes e experiencias entre os colexiados e colexiadas, un punto de encontro para a profesión. Mediante esta iniciativa, ofreceremos un webinar con carácter mensual no que se poderán presentar programas, estudos, investigacións, publicacións, casos clínicos, comunicacións... 
 
31/3/2021

Páxinas