O programa científico do I Congreso Nacional de Psicoloxía de Emerxencias contou coa colaboración de varios integrantes do GIPCE que participaron impartindo obradoiros, simposios, comunicación orais e pósters, contribuíndo a visibilizar o traballo e a experiencia que temos en Galicia na atención psicolóxica en situación de emerxencia.
O día 2 de maio tres membros do GIPCE impartiron os seus respectivos obradoiros:
– Ana Isabel Martínez Arranz dirixiu o obradoiro “Ser e estar como unha base segura nas emerxencias”
– Hafdallah Menni Ouali participou co obradoiro “Unha ollada á intervención en crise con minorías étnicas e poboación refuxiada”
– Lorena Nieto Iglesias impartiu o obradoiro “O silencio nas intervencións. Grupo de Atención a Intervenientes”
O día 3 a participación foi en simposios sobre diferentes ámbitos relacionados coas emerxencias:
– No simposio de atención psicolóxica en accidentes de tráfico, Diego Antelo Guerra fixo unha exposición sobre a “Intervención psicolóxica avanzada en accidentes de tráfico. Modelo de traballo no GIPCE”
– No simposio sobre o papel do profesional da Psicoloxía de Emerxencias nas emerxencias internacionais participaron Aurora Rozadilla Arias, coa exposición “Vis a Vis. Sostendo as súas emocións, sostendo as nosas emocións”, e José María Freire Duro co relatorio “Cooperación Internacional: MHPSS en contextos de Emerxencias, Crises e Catástrofes. Diferentes
escenarios de Intervención”
– No simposio sobre intervención en Grandes Emerxencias, Olegaria Mosqueda Bueno realizou unha exposición sobre a “A intervención GIPCE no naufraxio do Villa de Pitanxo”
O último día de Congreso, o día 4 de maio, o GIPCE estivo presente en dous simposios:
– Simposio sobre intervención en emerxencias por Violencia de Xénero, no que Mª Luz Losada Somoza expuxo “Presentación do Protocolo GIPCE en situación de violencia de xénero”, Fátima López Rodríguez e Rubén Villar Trenco falaron do “Funcionamento dun dispositivo de intervención psicolóxica na urxencia por violencia de xénero” e Julita Touriño Araújo compartiu a súa experiencia co relatorio “Atención psicolóxica a menores vítimas de violencia de xénero antes, durante e despois do incidente crítico (consecuencias emocionais)”
– No simposio de atención en emerxencias a menores e poboación vulnerable, Mª Carmen González Hermo falou da “Intervención en emerxencias con persoas con diversidade intelectual”
Ademais o GIPCE estivo presente nas comunicación libres tanto en formato oral como en formato póster:
– Comunicación oral: “Retrincos de cores” realizada por Sandra Izaguirre García e Isabel Cabado Fidalgo.
– Póster “Impacto do suicidio dun/ha menor sobre a comunidade educativa”presentado por Mª Carmen González Hermo e Ana Mª Núñez Rubines
– Póster “Intervención psicológica del GIPCE en situaciones de crisis en centros educativos en Galicia” presentado por Concepción López Martín, Mª Carmen González Hermo, Julita Touriño Araújo e Ana Mª Núñez Rubines.
– Póster “Intervención de urgencia a una mujer víctima de violencia de género” presentado por Julita Touriño Araújo e Mª Isabel Rodríguez Prego
– Póster “Guía de Recomendaciones de Buenas prácticas en Intervención Psicológica en emergencias” presentado polo grupo de traballo estatal que elaborou dita guía, liderado por Javier Torres Ailhaud e no que participou a coordinadora do GIPCE Ana Mª Núñez Rubines
Finalmente destacar a participación do Coordinador no GIPCE entre o 2004 e o 2007, Miguel Anxo García coa conferencia inaugural “Sobre o valioso e os riscos, máis alá do evidente, na intervención psicolóxica profesional en catástrofes e emerxencias”.
