A Sección de Psicoloxía e Saúde do Colexio Oficial de Psicoloxía de Galicia organiza o Curso “Fundamentos de Diálogos Abertos en Saúde Mental”.
Trátase dun curso cunha duración de 132 horas que comeza o 25 de outubro de 2024 e remata o 14 de xuño de 2025, que se desenvolverá con sesións presenciais en Santiago de Compostela e con sesións online.
O obxectivo xeral deste curso é profundar en Diálogos Abertos como filosofía e instrumento que facilita o acompañamento ás persoas con sufrimento psíquico, e as súas redes afectivas e sociais, de cara a axudalas no seu proceso de recuperación.
Para a inscrición é preciso enviar o boletín cuberto ao enderezo electrónico copgalicia@copgalicia.gal ata o 15 de xullo, ou ben realizar a inscrición a través da sede electrónica do COPG.