Formación

Curso "Mocidade e sexualidades: reflexións dende a práctica clínica"

A Sección de Psicoloxía e Saúde do Colexio Oficial de Psicoloxía de Galicia organiza o Curso “Mocidade e sexualidades: reflexións dende a práctica clínica”, que se celebrará o día 5 de outubro de 2024 no Hospital Clínico Universitario de Santiago de Compostela.

O curso ten como obxectivos abordar diferentes temáticas de actualidade con respecto á sexualidade nos adolescentes e adultos mozos, promover un espazo de reflexión acerca das sexualidades nesta poboación: medos que soemos ter como profesionais, posibles actuacións, percepción dos adolescentes e retos por acadar, dar a coñecer a través de casos clínicos a demanda que soe prestarse en consulta con respecto a esta área e describir a rede de apoio asistencial con respecto a esta temática e ferramentas das que podemos botar man.

Para a inscrición é preciso enviar o boletín cuberto ao enderezo electrónico copgalicia@copgalicia.gal ata o 24 de setembro, ou ben realizar a inscrición a través da sede electrónica do COPG.

Programa

Boletín

I Xornada de Traballo das Seccións de Psicoloxía e Saúde e Psicoloxía Educativa "“Facendo encontro, tecendo rede”"

I Xornada de Traballo das Seccións de Psicoloxía e Saúde e Psicoloxía Educativa do Colexio Oficial de Psicoloxía de Galicia “Facendo encontro, tecendo rede”.

Trátase dunha Xornada que se celebrará o día 19 de outubro de 2024 en Santiago de Compostela e en modalidade online:

Programa e boletín de inscrición

Para a inscrición debes enviar o boletín cuberto ao enderezo electrónico copgalicia@copgalicia.gal ta o 9 de outubro ou realizar a inscrición a través da sede electrónica do COPG.

XXIX Xornadas da Sección de Psicoloxía e Saúde do COPG "Desafiando á historia"

Os días 7, 8 e 9 de novembro de 2024 terán lugar as XXIX Xornadas da Sección de Psicoloxía e Saúde do COPG “Desafiando á historia”, en Ribadavia.

Estas Xornadas teñen como obxectivos reflexionar sobre a importancia da elaboración dunha narrativa compartida que permita elaborar emocións e repensar conflitos en problemáticas sociais, reflexionar sobre o uso de técnicas narrativas na psicoterapia de adultos con problemáticas complexas de pór en palabras, tanto dende o punto de vista do terapeuta como en primeira persoa, reflexionar sobre o uso de técnicas narrativas na abordaxe de experiencias psicóticas e a reconstrución dunha identidade tras o trauma da crise, tanto para a persoa como para o seu círculo máis próximo, reflexionar sobre o uso de técnicas narrativas na xestación en situacións de vulnerabilidade, na infancia para a construción do vínculo, e na adolescencia, presentar o “Anuario” que é a publicación periódica de carácter científico da Sección de Psicoloxía e Saúde do Colexio Oficial de Psicoloxía de Galicia e fomentar un espazo aberto e colaborativo para a presentación de traballos científicos en formato póster ou comunicación oral para as persoas asistentes.

O día 7 de novembro terán lugar os obradoiros pre-xornadas, celebraranse no museo do viño de Galicia e cando finalicen haberá unha pequena visita guiada ó museo para as persoas asistentes ós obradoiros interesadas en asistir, así mesmo, despois da visita guiada haberá unha cata de viños e unha cea informal onde é necesario facer a inscrición previa (non é necesario que acudiran previamente ós obradoiros para poder anotarse).

Para a inscrición é preciso enviar o boletín cuberto ao enderezo electrónico copgalicia@copgalicia.gal ata o 28 de outubro, ou ben realizar a inscrición a través da sede electrónica do COPG.

Programa e boletín

Curso "Intervención con vítimas de tráfico: despois do despois"

O Grupo de Tráfico e da Seguridade do Colexio Oficial de Psicoloxía de Galicia organiza o curso “Intervención con vítimas de tráfico: despois do despois”, que se celebrará o día 26 de outubro de 2024 na sede do Colexio Oficial de Psicoloxía de Galicia.

Os obxectivos deste curso son ofrecer claves e recomendacións para a intervención psicolóxica en persoas afectadas por un sinistro de tráfico, tanto en vítimas directas como indirectas, e sobre as necesidades e dificultades que enfrontan nos seus procesos de dó e tránsito tratando de reconducir a súa nova situación vital e dar visibilidade ós diferentes tipos de dó, incluíndo aqueles menos recoñecidos, que sofren tanto as vítimas directas como as indirectas.

Para a inscrición é preciso enviar o boletín cuberto ao enderezo electrónico copgalicia@copgalicia.gal ata o 16 de outubro, ou ben realizar a inscrición a través da sede electrónica do COPG.

Programa

Boletín

I Encontro Galego Interprofesional de RRHH: “Liderar e comunicar no contorno actual: O cambio necesario”

A Sección de Psicoloxía do Traballo e das Organizacións do Colexio Oficial de Psicoloxía de Galicia en colaboración coa Confederación de Empresarios de Galicia (CEG) e a Asociación de Traballadores Autónomos de Galicia (ATA) organizan o I Encontro Galego Interprofesional de RRHH, que se celebrará o día 10 de outubro de 2024 no Auditorio da Sede Afundación A Coruña (Cantón Grande, 8. 15003, A Coruña).

Este evento ten como obxectivo principal crear un espazo de reflexión e intercambio de ideas entre profesionais do ámbito de RRHH, así como entre outros axentes implicados nas relacións laborais. Pretendemos abordar, desde unha perspectiva multidisciplinar, os desafíos actuais que enfrontan as organizacións no ámbito da xestión de persoas e analizar como contribuír desde diferentes aproximacións á mellora da eficiencia e o benestar no traballo.

Programa

Formulario de inscrición