Informamos de que foi modificado o programa da sesión formativa “Discapacidade e condución” debido a que foi necesario realizar un cambio de docente o cal non afecta ó programa a desenvolver.
A sesión formativa celebrarase igualmente o día 17 de xuño de 2023, tal e como estaba previsto, a través da plataforma de teleformación Moodle do COPG e de Zoom.
Os obxectivos son coñecer e entender os procedementos que se utilizan nos Equipos de Valoración e Orientación (EVO) para as cualificacións das porcentaxes de discapacidade, inclusive as novidades que entran en vigor nestas datas, afondar na busca dunha sociedade máis integradora que aprecie as capacidades que cada persoa aporta, tanto para a súa integración sociolaboral como á hora de avaliar nun centro psicotécnico e comprender as casuísticas, características, necesidades, dificultades e aptitudes que cada persoa pode aportar.
Para a inscrición é preciso enviar o boletín cuberto ao enderezo electrónico copgalicia@copgalicia.gal ata o 13 de xuño, ou ben realizar a inscrición a través da sede electrónica do COPG
Programa - versión galego
Boletín de inscrición - versión galego
Programa - versión castelán
Boletín de inscrición - versión castelán
