AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

División de Psicoloxía Xurídica

A División de Psicoloxía Xurídica (PsiJur) foi creada polo Consejo General de la Psicología para unificar, a nivel estatal, aos profesionais do eido da intervención en psicoloxía xurídica. Dentro dos obxectivos fundamentais que persegue están o de coordinar, integrar e desenvolver as actividades cientifico-profesionais dos colexiados e colexiadas especializadas en dita área, optimizar os recursos dispoñibles e mellorar os coñecementos e competencias profesionais para o colexiado/a, ofrecer e garantir á sociedade un servizo de calidade potenciando, ademais, a acreditación e formación continuada das competencias profesionais na materia e desenvolver unha función de asesoramento ante os diferentes órganos de goberno do Consejo General de la Psicología en todas as cuestións relativas ao noso ámbito disciplinar.

Para ser membro ordinario os requisitos son:

  • Estar colexiado/a.
  • Satisfacer a cota de inscrición se a houbese. Nesta primeira fase non haberá que abonar a cota de inscrición.
  • Non estar incurso en sanción que leve aparellada a súa inhabilitación nalgún Colexio.
  • Presentar a solicitude de incorporación pertinente.

MÁIS INFORMACIÓN

DÍPTICO INFORMATIVO