AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Proxecto “Cambios na fala, cambios na mente”

xoves, Febreiro 8, 2018 - 12:15

O Grupo de Psicoloxía do Envellecemento da Sección de Psicoloxía da Intervención Social do Colexio Oficial de Psicoloxía de Galicia pon en marcha o Proxecto “Cambios na fala, cambios na mente”, co cal se pretende facer fincapé en novas formas de falar das persoas maiores. Un material a través do cal traballar e sensibilizar sobre os estereotipos perpetuados e interiorizados respecto ás persoas maiores, e que está destinado de forma preferente, a aquelas persoas que pola súa actividade profesional, traballan con persoas maiores.

O  primeiro obradoiro que se vai realizar para sensibilizar e potenciar o proxecto “Cambios na fala, cambios na mente”, vaise facer de forma extensa o día 24 de febreiro en Santiago de Compostela, por unha das autoras do proxecto, e está dirixida a psicólogos e psicólogas, estudantes do derradeiro curso de psicoloxía e outros profesionais do ámbito profesional da xerontoloxía. As persoas colexiadas que soliciten o uso de dito material, comprométense a asistir o obradoiro “Cambios na fala, cambios na mente”. Tratase dunha actividade dunha duración aproximada de 1 hora.  

Para levar a cabo esta actividade, as persoas que estean interesadas, desde o colexio pódese facilitar o soporte audiovisual necesario para que o desenvolvan no seu concello, asociación, lugar de traballo, etc. Nos vindeiros días publicarase un guión para desenvolver a actividade e que poderás descargar sexas ou non profesional da psicoloxía. Xunto con este, están as imaxes  que axudarán a levalo a cabo. Os paneis fotográficos cos soportes axeitados, soamente o poderán solicitar ao Colexio as persoas colexiadas a través da seguinte dirección electrónica copgalicia@copgalicia.gal

 

 

Guíon Proxecto "Cambios na fala, cambios na mente" [ver pdf]