A Sección de Psicoloxía Educativa do COPG considera que a formación sobre a detección, identificación e intervención é un alicerce sumamente importante para dotar de recursos a nosa práctica no ámbito educativo, tal e como se abordará na xornada deste sábado. O docente será Luis Rodríguez Cao, catedrático de Educación Secundaria e psicólogo. É responsable da área de Superdotación Intelectual da Coruña desde a súa posta en funcionamento en 1998 ata 2017, unha área que se ocupa do diagnóstico e da orientación educativa do alumnado con alta capacidade intelectual dos centros de educación non universitaria. É autor de varios libros e artigos científicos sobre o tema.
