Entre o xoves 17 e o sábado 19 de novembro, máis de cento vinte psicólogos e psicólogas participarán na XXVII Xornadas da Sección de Psicoloxía e Saúde do Colexio Oficial de Psicoloxía de Galicia en Pontedeume, no Espazo +60 de Afundación. Nesta ocasión céntranse na atención á saúde mental da poboación infantil e adolescente, dado que é unha das etapas evolutivas que se viu máis afectada polas limitacións que implicou a pandemia.
