O Colexio Oficial de Psicoloxía de Galicia afonda no exercicio do coaching desde a psicoloxía

Mañá sábado 12 de marzo, o Colexio Oficial de Psicoloxía de Galicia ofrece unha conferencia sobre a acreditación do psicólogo ou psicóloga experta en coaching e as boas prácticas no seu exercicio, que se desenvolverá na sede da corporación en Santiago de Compostela entre as 11:00 e as 13:00 horas. Con esta actividade preténdese achegar ao colectivo profesional que poida ter interese neste ámbito desde o punto de vista da psicoloxía como disciplina científica que posúe instrumentos diferenciais para o exercicio do coaching.