AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

División de Psicoloxía do Traballo, das Organizacións e dos Recursos Humanos

A División de Psicoloxía do Traballo, das Organizacións e dos Recursos Humanos (PTORH) foi creada polo Consejo General de la Psicología para unificar, a nivel nacional, o ámbito profesional de intervención en Psicoloxía do Traballo, das Organizacións e dos Recursos Humanos. O obxectivo que persegue é coordinar, integrar e desenvolver as actividades científico-profesionais dos colexiados e colexiadas especializadas en dita área.

En síntese, o que busca é unha optimización dos recursos dispoñibles e unha mellora constante dos coñecementos e competencias profesionais, para o colexiado/a profesional de área, co fin de ofrecer e garantir un servizo de calidade para a sociedade, potenciando, ademáis, a acreditación das competencias profesionais da materia.

A División tamén desempeñará a función de asesoramento ante os diferentes órganos de goberno do Consejo General de la Psicología, en todas aquelas cuestións relativas ao noso ámbito disciplinar.

Poderá ser membro da División toda persoa colexiada que estea interesada e cumpra os requisitos de pertenencia establecidos.

Para ser membro Ordinario os requisitos son:

- Estar colexiado/a.
- Satisfacer a cota de inscrición, se a houbese (Nesta 1ª fase non haberá que abonar cota de inscrición).
- Non estar incurso en sanción que leve aparellada a súa inhabilitación no Colexio.
- Presentar a solicitude de incorporación pertinente (que figura en www.ptorh.cop.es/index.php?page=PTORH-formulario).

MÁIS INFORMACIÓN

DÍPTICO DA DIVISIÓN PTORH