AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Entrega de premios do VI Concurso Literario do COPG "Rosa de Cen Follas"

O 10 de decembro de 2013 tivo lugar o acto entrega dos premios do VI Concurso Literario do Colexio Oficial de Psicoloxía de Galicia “Rosa de Cen Follas”. A Decana, Mª Rosa Álvarez Prada, o Vicedecano, Hipólito Puente Carracedo e a Vogal da Xunta de Goberno e Coordinadora da Comisión de Cultura, Concepción Rodríguez Pérez, fixeron entrega dos galardóns ás persoas gañadoras desta edición, Azucena Arias Correa na modalidade de poesía coa obra “Silencio cómplice” e Carlos Méndez Leiz na modalidade de narrativa coa obra “Cobiza”.

De seguido deuse paso a un espazo de lectura de diversos textos literarios, propios ou doutros autores/oras, por parte dos asistentes que así o desexaron. O acto estivo amenizado coa actuación musical de Alba Rodríguez.

Momento do acto
Actuación musical de Alba Rodríguez
Momento do acto
Entrega do premio a Azucena Arias
Entrega do premio a Carlos Méndez
De esquera a dereita: Mª Rosa Álvarez, Carlos Méndez, Azucena Arias, Concepción Rodríguez e Hipólito Puente
Momento da lectura do texto de Carlos Méndez
Momento da lectura da poesía de Azucena Arias
A poeta Iolanda Aldrei dándo lectura a uns versos