Curso "A ética psicolóxica de emerxencias. A dúbida que suma"

O 23 de novembro celebrouse na Facultade de Psicoloxía o curso "A ética psicolóxica de emerxencias. A dúbida que suma" dirixido a membros do GIPCE e a psicólogos e psicólogas colexiados/as e interesados/as no campo da intervención en emerxencias.  Foi impartido polo psicólogo experto en Psicoloxía de Emerxencias e coordinador do Grupo de Traballo en Psicoloxía de Emerxencias do Colexio Oficial de Psicoloxía de Cataluña Jordi García Sicard.

Durante as 7 horas de formación os 36 asistentes  puideron reflexionar sobre as cuestións éticas en torno ás emerxencias e as catástrofes,valorar a importancia do perfil de competencias nos profesionais da Psicoloxía de Emerxencias, procurar a excelencia nas intervencións e adquirir unha árbore de decisións útiles na praxe.