A coordinadora do Grupo de Intervención Psicolóxica en Catastrofes e Emerxencias (GIPCE) do Colexio Oficial de Psicoloxía de Galicia, Ana Mª Núñez Rubines, participou coa conferencia "A intervención psicolóxica tras o suicidio dun/dunha menor" no 3º Congreso Internacional e 4ª Simposio Nacional sobre Prevención do Suicidio e Promoción da Saúde Mental en nenas, nenos, adolescentes e grupos vulnerables, organizado pola Universidade La Salle Nezahualcóyoti, a Facultade de Psicoloxía da Universidad Nacional Autónoma de México e a Fundación Preven AC.
Este congreso celebrouse os días 23, 24 e 25 de agosto en modalidade online e presencial na cidade de México e contou con máis de 10.300 inscritos de 28 países.
Podes visualizar a conferencia no seguinte enlace.
