AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Curso "Achegas á transexualidade desde un modelo sexolóxico. Ferramentas para a atención á persoas transexuais"

A Sección de Psicoloxía e Saúde do COPG celebrou os pasados 22 e 23 de abril na sede do Colexio o Curso "Achegas á transexualidade desde un modelo sexolóxico. Ferramentas para a atención ás persoas transexuais".

Foi impartido por José Ramón Landarroitajauregi Garai, sexólogo, psicólogo, pedagogo, terapeuta e escritor. Fundador do Centro de Atención á Parella Biko Arloak e o Instituto de Sexología Susatantiva (IESUS) que, en convenio coa Universidad Europea Miguel Cervantes, ofrece o máster de sexoloxía sustantitva en Valladolid.

Momento do curso
Momento do curso
Asistentes ao curso