A Sección de Psicoloxía e Saúde do Colexio Oficial de Psicoloxía de Galicia, organizou o curso “Introdución á Terapia de Aceptación e Compromiso (ACT)”, que se levou a cabo os días 11 e 12 de maio de 2018, no salón de actos do COPG.
Este curso tivo como obxectivo dar a coñecer as habilidades terapéuticas para aplicar as estratexias de intervención segundo o modelo da Terapia de Aceptación e Compromiso (ACT). A docente do mesmo foi a psicóloga Thaïs Tiana Sastre, membro do Programa de Prevención de Suicidio do Hospital de Sant Pau en Barcelona e do Programa de Atención ao Supervivente (que traballa con familiares e persoas próximas que morreron por suicidio).
