O pasado 15 e 16 de novembro de 2013 celebrouse no Mosteiro de Santa Catalina de Montefaro, Ares (A Coruña), as XVIII Xornadas de Psicoloxía Clínica que organiza a Sección de Psicoloxía Clínica do Colexio Oficial de Psicoloxía de Galicia (COPG).
Baixo o lema “A ausencia: Clínica do rural mariñeiro galego” supuxeron unha oportunidade para revisar as demandas asistenciais propias do contorno rural e mariñeiro galego. Con esta finalidade, tratáronse aspectos esenciais do modo de vida e de traballo que teñen influencia na maneira particular de experimentar e expresar os problemas de saúde nese contexto: a perda, o suicidio, os ausentes, a estrutura e relacións, o baleiro e a crise, cun obxectivo fundamental de facer un achegamento á problemática psicolóxica desde unha perspectiva comunitaria
