AVISOS

O teu número de colexiación acredítate como profesional diante da sociedade: é o mellor aval para garantir que cumpres coa titulación e cos requisitos legais para exercercomo psicólogo ou psicóloga, sexa cal sexa a túa especialidade ou área de traballo. Faino público nos informes que elabores, no teu espazo de traballo, nas túas comunicacións ...

O Colexio Oficial de Psicoloxía de Galicia ten desde o pasado mes de setembro un novo enderezo de correo electrónico copgalicia@copgalicia.gal. Así integrámonos como dominio .gal, co fin de contribuír a crear unha entidade comunitaria tamén na rede. Lembra que realizamos a meirande parte das nosas comunicacións a través do correo electrónico, así que para garantir que non rematen na carpeta de SPAM, engade o noso enderezo aos teus contactos.

No conxunto do Estado español, é un requisito indispensable para o exercicio da profesión da psicoloxía estar incorporado ao Colexio Profesional correspondente. Todos os psicólogos e psicólogas que exerzan no ámbito público ou privado e baixo calquera fórmula de contratación, teñen esta obriga.

Este requisito recóllese no artigo 3.2  da Lei de Colexios Profesionais despois da reforma operada pola Lei 25/2009 (Lei Ómnibus), que mantén as obrigas vixentes.

Obradoiro: Prevención, diagnóstico e intervención dislexia

A Sección de Psicoloxía Educativa do COPG celebrou os pasados 22 e 23 de xaneiro o Obradoiro "Prevención, diagnóstico e intervención en dislexia" na sede do Colexio.

Foi impartido por Iria Calleja Barcia, Psicóloga habilitada para o exercicio da psicoloxía sanitaria. Profesora-titora da UNED no Grao Universitario en Psicoloxía nas áreas de Medodoloxía, Desenvolvemento e Clínica.

Asistentes ao curso
Asistentes ao curso
Momento do curso
Asistentes ao curso