Os días 21 e 22 de marzo de 2014 celebrouse na Facultade de Psicoloxía da Universidade de Santiago de Compostela o Obradoiro “Programa de convivencia para a prevención da violencia escolar e o bullying. Programa TEI”. Foi impartido por Andrés González Bellido, Presidente da Sección de Psicoloxía da Educación do COP Catalunya.
O COPG organizou este obradoiro para dar a oportunidade de coñecer, desenvolver e implantar un programa que está demostrando ser moi eficaz na prevención da violencia escolar e no desenvolvemento de hábitos prosociais.