A Decana do Colexio Oficial de Psicoloxía de Galicia, Mª Rosa Álvarez Prada, e a Coordinadora do Programa de Atención a Mulleres que Sofren Violencia de Xénero do COPG, Fátima López Rodríguez, mantiveron unha reunión coa Secretaria Xeral da Igualdade da Xunta de Galicia, Susana López Abella, e a Subdirectora Xeral para o Tratamento da Violencia de Xénero, Belén Liste Lázara.
Nesta reunión, que tivo lugar o 20 de febreiro, trataron sobre o Convenio para 2014 que regulará a colaboración que desde hai máis de 10 anos se vén desenvolvendo entre ambas institucións en materia de violencia de xénero.