Máis de 400 asistentes participaron no I Congreso de Psicoloxía de Emerxencias que se celebrou na Facultade de Psicoloxía da Universidade de Santiago de Compostela os días 2, 3 e 4 de maio de 2024.
Neste Congreso pioneiro dentro da Psicoloxía de Emerxencias déronse cita profesionais deste ámbito para expoñer coñecementos e compartir experiencias sobre situacións críticas como o terrorismo, a violencia de xénero, o autocoidado de intervenientes, os suicidios, a pandemia por covid, a intervención con poboacións vulnerables, os accidentes de tráfico e laborais, os naufraxios, as desaparicións, as emerxencias internacionais e os desastres naturais, entre outras temáticas.
Ademais, levouse a cabo un programa social que incluíu a visita ao CIAE-112 en A Estrada, visita á cidade de Santiago de Compostela, encontro de convivencia nun emblemático pub da cidade e cea oficial do Congreso no Hostal dos Reis Católicos.
