O 27 de setembro do 2023 levouse a cabo un simulacro dun accidente aéreo no Aeroporto de Peinador en Vigo, baixo o suposto de accidente dunha aeronave comercial que supuxo a activación do nivel 2 do Platerga e o Plan Sectorial de atención a vítimas e familiares.
Ademáis dos medios internos do aeroporto, estiveron mobilizados diferentes corpos de seguridade da zona (Garda Civil, Policía Nacional, Policía Local, Garda Civil de Tráfico), 061, GIPCE, Cruz Vermella, Protección Civil e membros da AXEGA para dar resposta a esta emerxencia. Tamén participaron no simulacro como figurantes estudantes do Máster de Psicoloxía Xeral da Universidade de Santiago de Compostela e do Ciclo Superior de Emerxencias de Vigo.
Desde o Grupo de Intervención Psicolóxica en Catástrofes e Emerxencias (GIPCE) do Colexio Oficial de Psicoloxía de Galicia asistiron 8 integrantes que tiveron a posibilidade de coñecer e de entrenarse nos protocolos de actuación en caso de accidente aéreo.
