Webinar (seminario online) "O teletraballo en tempos de COVID-19: implantación e xestión"

A Sección de Psicoloxía do Traballo e das Organizacións do COPG, en colaboración coa Confederación de Empresarios de A Coruña, organiza o webinar (seminario online) "O teletraballo en tempos de COVID-19: implantación e xestión".

Celebrarase o vindeiro martes 9 de xuño en horario de 18:00 a 19:30 horas e estará aberto a todas as persoas interesadas.

O prazo de inscrición remata o 5 de xuño.

22/5/2020

Retómase o procedemento do PIR

Retómase o procedemento do PIR. A continuación podes acceder á información correspondente:

- Resolución de 7 de maio de 2020, da Dirección Xeral de Ordenación Profesional, pola que se retoma o procedemento previsto na Orde SCB/925/2019, de 30 de agosto, pola que se aproba a oferta de prazas e a convocatoria de probas selectivas 2019 para o acceso no ano 2020, a prazas de formación sanitaria especializada para as titulacións universitarias de grado/licenciatura/diplomatura de Medicina, Farmacia, Enfermería e ámbito da Psicoloxía, a Química, a Bioloxía e a Física.

14/5/2020

Actualización de normativa e outras informacións para o exercicio profesional da psicoloxía

Xa tes á túa disposición a actualización da información para a práctica profesional actualizado coa publicación da Orde SND/399/2020, do 9 de maio, do Ministerio de Sanidade, para a flexibilización de determinadas restricións de ámbito nacional, establecidas tras a declaración do estado de alarma en aplicación da Fase 1 do Plan de transición cara a unha nova normalidade.

10/5/2020

Día Mundial da Saúde Mental Materna

O Colexio Oficial de Psicoloxía de Galicia, a través do Consejo General de la Psicología, únese á campaña internacional para declarar o primeiro mércores do mes de maio como “Día Mundial da Saúde Mental Materna”. Iniciativa que parte de numerosas organización de países como Alemaña, Austria, Australia, Arxentina, Canadá, Estados Unidos, Francia, Malta, Nova Zelanda, Nixeria, Reino Unido, Sudáfrica, Turquía e España, entre outros.

6/5/2020

Certificado de abono das cotas colexiais para a declaración da renda

Lembra que podes solicitar no e-mail copgalicia@copgalicia.gal  o teu certificado de abono das cotas colexiais do ano 2019 para a realización da túa declaración da renda.

Segundo a normativa, as cotas colexiais son gastos deducibles cando a colexiación teña carácter obrigatorio para o desempeño do traballo como no caso da Psicoloxía, na parte que corresponda ata os fins esenciais destas institucións, e co límite de 500€ anuais.

5/5/2020

Informacións e actualización das recomendacións do COPG para o exercicio da Psicoloxía

En relación coas medidas de seguridade e hixiene nos centros de psicoloxía, a raíz da entrada na Fase 0 da desescalada, podes descargar as recomendacións para o exercicio profesional da psicoloxía nesta emerxencia por coronavirus actualizadas de acordo coa publicación da Orde SND/288/2020, do 3 de maio, do Ministerio de Sanidade, que regula a denominada “Fase O da desescalada”.

4/5/2020

Publicacións do COPG útiles para a emerxencia sanitaria

O Colexio Oficial de Psicoloxía de Galicia publicou varios materiais de interese con motivo da alerta sanitaria: 
 
Axenda para adolescentes confinad@s ten por obxectivo proporcionar pautas para esta etapa evolutiva. Desde a Sección de Psicoloxía Educativa, responsable desta publicación en formato infografía, explican que afrontar o confinamento partindo dunha actitude positiva e fomentar as fortalezas dos mozos e mozas serán necesarios neste momento de espera. 
2/5/2020

Páxinas

Subscribe to