A Comisión Intersectorial de Psicoloxía do Deporte do Colexio Oficial de Psicoloxía de Galicia organiza o curso “Claves para a mellora do rendemento deportivo a través da psicoloxía”, que se celebrará o día 25 de maio de 2024 a través da plataforma de teleformación Moodle do COPG e Zoom.

O curso ten como obxectivos aprender as claves psicolóxicas do rendemento deportivo, adquirir ferramentas de traballo para o alto rendemento e coñecer casos prácticos en psicoloxía deportiva.

Desde Unión Profesional e grazas a un convenio coa Delegación do Goberno contra a Violencia de Xénero, lanzan un catálogo de formacións online dirixidas ás profesionais colexiadas

Desde o Colexio Oficial de Psicoloxía de Galicia informamos que este 20 de abril remata o prazo de inscrición para o I Congreso Nacional de Psicoloxía de Emerxencias "Sostendo emocións nas emerxencias", que se celebra os días 2, 3 e 4 de maio de 2024 tanto en modalidade streaming como presencial en Santiago de Compostela.

O programa e o formulario de incrición está dispoñible na páxina web do Congreso.

A Comisión de Cultura do Colexio Oficial de Psicoloxía de Galicia convoca o XVI Concurso Literario do Colexio Oficial de Psicoloxía de Galicia “Rosa de Cen Follas”.  As obras, que serán de tema libre, deberán presentarse á modalidade de poesía ou á modalidade de narrativa e deberán estar escritas en lingua galega.

O prazo de admisión remata o 31 de maio de 2024. Podes consultar as bases no seguinte enlace.

A Sección de Psicoloxía e Saúde do Colexio Oficial de Psicoloxía de Galicia organiza o Curso “Introdución ao tratamento baseado na mentalización (MBT) e ao modelo AMBIT”, que se celebrará os días 10 e 11 de maio de 2024 en Santiago de Compostela.

O día 7 de xuño celebraremos Achegas da Psicoloxía no Pazo do Mosteiro (Mosteiro, 14. 36740 Tomiño. Pontevedra) e neste evento faremos entrega do Premio “Dolores Llópiz: Psicoloxía e Sociedade 2024”, galardón creado para distinguir á persoa, institución ou asociación que teña contribuído ao desenvolvemento da nosa profesión.

A Comisión Intersectorial de Mediación do Colexio Oficial de Psicoloxía de Galicia organiza o curso “Preparación e facilitación de reunións restaurativas para resolver conflitos”, que se celebrará o día 11 de maio de 2024 na sede co Colexio Oficial de Psicoloxía de Galicia, en Santiago de Compostela.

O curso pretende dotar aos participantes dos coñecementos teóricos e prácticos necesarios para comprender, aplicar e promover os principios fundamentais da xustiza restaurativa.

En cumprimento do previsto no Regulamento de Réxime Interior da Sección de Psicoloxía Xurídica do Colexio Oficial de Psicoloxía de Galicia e atendendo á finalización do período de goberno para o que foi elixida no ano 2020, a Xunta Directiva, na súa reunión de 9 de marzo de 2024, decidiu convocar ELECCIÓNS Á XUNTA DIRECTIVA DA SECCIÓN DE PSICOLOXÍA XURÍDICA DO COPG.

No esforzo constante para fortalecer a comunicación e a interacción coas colexiadas e colexiados, así como co público xeral, o Colexio Oficial de Psicoloxía de Galicia deu un novo paso ao incorporar unha canle de WhatsApp á súa crecente presenza dixital, á que podes unirte neste enlace (https://whatsapp.com/channel/0029VaCnLra5Ui2cyWU5qP2l)