Ollo! Se recibes esta mensaxe é un bulo. O prazo está aberto de xeito permanente. 

Desde o Ministerio de Ciencia, Innovación y Universidades desminten a información difundida estes días por Whatsapp, non hai un prazo para obter o certificado de correspondencia MECES de títulos universitarios. A sede electrónica está aberta permanentemente e o trámite non é obrigatorio.

Frea o bulo: NON compartas sen verificar.

O Colexio Oficial de Psicoloxía de Galicia expresa a súa máis rotunda condena ao asasinato cometido este domingo en Mos e que se está a investigar como violencia de xénero, ao tempo que desexa trasladar a súa solidariedade e as súas condolencias á familia e ás persoas achegadas da vítima. Desde este Colexio reitérase o total rexeitamento a calquera tipo de violencia psicolóxica, física ou sexual contra as mulleres, e que xa custou a vida de cinco mulleres no que vai de ano en Galicia.

A oitava edición de Tempo da Psicoloxía desenvolverase os días 24 e 25 de febreiro, que leva por título «Unha ollada sobre pobreza e saúde mental», a través dunha palestra e unha conferencia organizadas conxuntamente entre a Facultade de Psicoloxía e o Colexio Oficial de Psicoloxía de Galicia. Como é habitual, estará aberto a todo o público interesado, con carácter gratuíto, e poderá seguirse de xeito presencial no Salón de Actos da Facultade de Psicoloxía así como en liña, vía streaming a través da web https://tempodapsicoloxia.gal/.

O que hoxe coñecemos como GIPCE (Grupo de Intervención Psicolóxica en Catástrofes e Emerxencias) do COPG tivo a súa orixe nun momento de incerteza social. No ano 1996, unha serie de movementos sísmicos na zona de Triacastela sementaron o temor entre a poboación. Ante aquela necesidade, o Colexio Oficial de Psicoloxía de Galicia (COPG) creou o Grupo de Traballo sobre Protección Civil, a semente dun servizo que hoxe é un piar fundamental na asistencia de crises en Galicia.

Desde o Colexio Oficial de Psicoloxía de Galicia informamos da publicación do Boletín Infocop TV – Programa 43, do Consejo General de la Psicología.

Neste programa preséntanse contidos de actualidade e interese para a profesión psicolóxica, con información relevante relacionada coa práctica profesional, a investigación e a realidade social na que intervén a psicoloxía.