Desde o Colexio Oficial de Psicoloxía de Galicia informamos que este 20 de abril remata o prazo de inscrición para o I Congreso Nacional de Psicoloxía de Emerxencias "Sostendo emocións nas emerxencias", que se celebra os días 2, 3 e 4 de maio de 2024 tanto en modalidade streaming como presencial en Santiago de Compostela.
O programa e o formulario de incrición está dispoñible na páxina web do Congreso.
A Comisión de Cultura do Colexio Oficial de Psicoloxía de Galicia convoca o XVI Concurso Literario do Colexio Oficial de Psicoloxía de Galicia “Rosa de Cen Follas”. As obras, que serán de tema libre, deberán presentarse á modalidade de poesía ou á modalidade de narrativa e deberán estar escritas en lingua galega.
O prazo de admisión remata o 31 de maio de 2024. Podes consultar as bases no seguinte enlace.
A vindeira sesión do Grupo de Traballo de Intervisión celebrarase online o día 21 de maio de 2024 de 9:30 a 11:30 horas.
Para a inscrición é preciso enviar o formulario de inscrición cuberto ao enderezo electrónico copgalicia@copgalicia.gal ata o xoves 16 de maio. Se desexas plantexar dúbidas sobre un caso concreto é preciso enviar tamén o formulario de compromiso cuberto.
A Sección de Psicoloxía e Saúde do Colexio Oficial de Psicoloxía de Galicia organiza o Curso “Introdución ao tratamento baseado na mentalización (MBT) e ao modelo AMBIT”, que se celebrará os días 10 e 11 de maio de 2024 en Santiago de Compostela.
O Grupo de Traballo EMDR e Trauma da Sección de Psicoloxía e Saúde do Colexio Oficial de Psicoloxía de Galicia, organiza o “Encontro sobre Trauma e EMDR. Fisioloxía cerebral, apego e enfoque transdiagnóstico”, que se celebrará o 17 de abril de 2024 a través da plataforma de teleformación Moodle do COPG e Zoom.
O encontro ten como obxectivo divulgar a importancia que ten o trauma na orixe e tratamento dos trastornos mentais.
O día 7 de xuño celebraremos Achegas da Psicoloxía no Pazo do Mosteiro (Mosteiro, 14. 36740 Tomiño. Pontevedra) e neste evento faremos entrega do Premio “Dolores Llópiz: Psicoloxía e Sociedade 2024”, galardón creado para distinguir á persoa, institución ou asociación que teña contribuído ao desenvolvemento da nosa profesión.
A Comisión Intersectorial de Mediación do Colexio Oficial de Psicoloxía de Galicia organiza o curso “Preparación e facilitación de reunións restaurativas para resolver conflitos”, que se celebrará o día 11 de maio de 2024 na sede co Colexio Oficial de Psicoloxía de Galicia, en Santiago de Compostela.
O curso pretende dotar aos participantes dos coñecementos teóricos e prácticos necesarios para comprender, aplicar e promover os principios fundamentais da xustiza restaurativa.
O Grupo de Traballo de Psicólogos e Psicólogas dos CIM´s da Sección de Psicoloxía da Intervención Social do Colexio Oficial de Psicoloxía de Galicia, organiza o curso “Aspectos xurídicos e probatorios dos procedementos por Violencia de Xénero”, que se celebrará os días 5, 11 e 12 de abril de 2024 a través da plataforma de teleformación Moodle do COPG e Zoom.
En cumprimento do previsto no Regulamento de Réxime Interior da Sección de Psicoloxía Xurídica do Colexio Oficial de Psicoloxía de Galicia e atendendo á finalización do período de goberno para o que foi elixida no ano 2020, a Xunta Directiva, na súa reunión de 9 de marzo de 2024, decidiu convocar ELECCIÓNS Á XUNTA DIRECTIVA DA SECCIÓN DE PSICOLOXÍA XURÍDICA DO COPG.
A Sección de Psicoloxía e Saúde do Colexio Oficial de Psicoloxía de Galicia organiza o Curso “O autismo “menos visible”: Detección, avaliación, confusión diagnóstica e abordaxe”, que se celebrará os días 19 e 20 de abril de 2024 en Santiago de Compostela.
