Aviso

O vindeiro 16 de agosto de 2022, o Colexio Oficial de Psicoloxía de Galicia permanecerá pechado por festividade local en Santiago de Compostela.

12/8/2022

Ampliase novamente o prazo de presentación de comunicacións libres nas I Xornadas Galegas de Psicoloxía Educativa.

Comunícase novamente a ampliación ata o 9 de setembro de 2022 do prazo de presentación para comunicacións libres nas I Xornadas Galegas de Psicoloxía Educativa. 

Os pósteres van ser expostos no espazo de celebración das Xornadas en formato físico e non en formato dixital como foi anunciado nun principio. 

Os traballos poden presentarse en calquera dos idiomas oficiais das Xornadas (Galego, Castelán e Portugués) e deben ser en formato póster. 

11/8/2022

Nova sesión de Falamos, ciclo de experiencias compartidas do COPG

O xoves 8 de setembro ás 20:00 horas terá lugar a sesión de "Falamos, ciclo experiencias compartidas do COPG" , na que podes inscribirte de xeito gratuíto. 

Trátase da presentación do libro  "El Psicólogo cuenta", do colexiado Andrés Sampayo Salgueiro (G-3314) , que trata dunha selección de artigos publicados no diario El Correo Gallego no período de 2004 a 2021.

9/8/2022

Curso "Psicoloxía sanitaria: empezar ben"

A Sección de Psicoloxía e Saúde do Colexio Oficial de Psicoloxía de Galicia organiza o Curso “Psicoloxía sanitaria: empezar ben”, que se celebrará na Facultade de Psicoloxía da Universidade de Santiago de Compostela os días 28 e 29 de outubro de 2022. 

O curso pretende proporcionar unhas nocións básicas para facilitar unha atención de calidade e segura aos pacientes no marco dun incremento da oferta de dispositivos para o tratamento. 

8/8/2022

Webinar "Humanidade compartida: Habitando xuntos o momento presente"

A Comisión de Autocoidado do Colexio Oficial de Psicoloxía de Galicia organiza o vindeiro 26 de setembor o Webinar "Humanidade compartida: Habitando xuntos o momento presente”  a través de Zoom e gratuíto, previa inscrición.

A humanidade compartida, entre outras cousas, implica o recoñecemento de que todas e todos pisamos a mesma terra, e como seres sentintes, anceiamos sentirnos ben e temos unha aversión ao sufrimento.

26/7/2022

V Certamen de relato breve "Dalle un xiro a túa vida"

O Colegio Oficial de la Psicología de Madrid convoca o V Certamen de relato breve "Dale un giro a tu vida".

Poderán optar ao concurso todas as psicólogas e psicólogos colexiados en algún Colexio de Psicoloxía de España.

A temática será libre e o prazo de presentación de orixinais retama o 30 de setembro de 2022.

Podes consultar as bases no seguinte enlace.

22/7/2022

O Colexio Oficial de Psicoloxía de Galicia renova o convenio de colaboración coa Xunta de Galicia para prestar atención psicolóxica especializada de carácter inmediato ás vítimas na situación de urxencia

O Colexio Oficial de Psicoloxía de Galicia asina un ano máis un convenio de colaboración coa Consellería de Promoción do Emprego e Igualdade da Xunta de Galicia para prestar atención psicolóxica especializada de carácter inmediato ás vítimas na situación de urxencia nos diferentes escenarios ás posibles situacións de urxencia, en todos os partidos xudiciais da Comunidade Autónoma de Galicia.

Esta quenda de garda é un servizo público e gratuíto para as mulleres e menores aos que vai dirixido.

11/7/2022

Actualización do Protocolo de exploración médico-psicolóxica para Centro de Recoñecemento de Condutores

O Consejo General de la Psicología, a través da División de Psicoloxía do Tráfico e da Seguridade (PsTyS), colaborou na actualización do Protocolo de exploración médico-psicolóxica para Centros de Recoñecemento de Condutores. Traballouse a actualización de tres áreas de intervención: valoración, risco e consello.

O 23 de xuño presentouse na Dirección Xeral de Tráfico (DGT) a actualización do Protocolo, na cal participou Eva Muiño Gómez, coordinadora do Grupo de Tráfico e da Seguridade do Colexio Oficial de Psicoloxía de Galicia e vogal da División PsTyS.

4/7/2022

Páxinas

Subscribe to