Unión Profesional de Galicia, integrada por corenta e seis colexios profesionais que representan a máis de trinta profesións, afianza o seu compromiso pola redución efectiva da brecha salarial e laboral entre homes e mulleres no ámbito das profesións colexiadas con motivo do 8 de marzo, Día Internacional da Muller.

O Colexio Oficial de Psicoloxía de Galicia únese á conmemoración do Día Internacional das Mulleres; unha data que convida a reflexionar sobre os avances logrados en materia de igualdade de xénero e para reivindicala como un piar innegociable da saúde mental colectiva. A Psicoloxía non é allea á estrutura social; ao contrario, é unha ferramenta clave para construír unha sociedade xusta, equitativa e plenamente libre de violencias.

O III Foro de Empregabilidade, Emprego e Emprendemento en Psicoloxía (III FORO 3EP) ten a vontade de consolidarse como un espazo de referencia para o encontro entre profesionais, egresadas/os e estudantes de Psicoloxía. O seu obxectivo é facilitar a exploración de novas saídas profesionais, fortalecer a empregabilidade e impulsar o espírito emprendedor dentro da disciplina psicolóxica.

Unión Profesional, do que o COPG forma parte, celebrará o vindeiro 14 de marzo o I Simpósium Pericial de Unión Profesional de Galicia "O informe pericial profesional como elemento clave na Administración de Xustiza".

O Simpósium está aberto a todas as colexiadas e colexiados dos Colexios Profesionais socios de Unión Profesional de Galicia. A inscrición será gratuíta para as colexiadas e colexiados pertencentes a Colexios socios de Unión Profesional de Galicia, como é o caso do COPG. 

Por necesidades do servizo, o martes 24 de marzo, o horario da asesoría xurídica do COPG será de 17:30 a 20:00 horas.

A xuntanza ordinaria da Asamblea Xeral de Colexiados e Colexiadas do Colexio Oficial de Psicoloxía de Galicia (COPG) celebrarase de acordo ao seguinte:

Día:
Xoves, 26 de marzo de 2026. 

Hora:
17:00 h. en primeira convocatoria.
17:30 h. en segunda convocatoria.

Lugar:
Sede do COPG.
(Rúa Espiñeira, 10-Baixo. Santiago de Compostela).

PRAZAS ESGOTADAS

O Grupo de Traballo de Psicólogos e Psicólogas dos CIM's da Sección de Psicoloxía da Intervención Social do Colexio Oficial de Psicoloxía de Galicia organiza o curso “Monográfico de Ruptura Traumática”,  que se celebrará os días 8 e 9 de maio a través da plataforma de teleformación Moodle do COPG e Zoom.

Guía actualizada.

Lembrámosche que se atopa á túa disposición na páxina web do Colexio Oficial de Psicoloxía de Galicia o número 18 do Anuario Psicoloxía e Saúde “FENDAS”  (ISSN: 2444 – 6653),  publicación que edita anualmente a Sección de Psicoloxía e Saúde do COPG.

Pódese acceder á publicación, premendo no seguinte enlace:

https://copgalicia.gal/system/files/PDFs/publicacions/anuario_n_18.pdf