En cumprimento do previsto no Regulamento de Réxime Interior da Sección de Psicoloxía Educativa do Colexio Oficial de Psicoloxía de Galicia e atendendo á finalización do período de goberno para o que foi elixida no ano 2021, a Xunta Directiva, na súa reunión de 30 de xaneiro de 2025, decidiu convocar ELECCIÓNS Á XUNTA DIRECTIVA DA SECCIÓN DE PSICOLOXÍA EDUCATIVA DO COPG.

O Colexio Oficial de Psicoloxía de Galicia (COPG) segue apostando por ofrecer ferramentas innovadoras aos seus colexiados e colexiadas. Neste compromiso coa dixitalización e a optimización do exercicio profesional das/os profesionais da psicoloxía, o COPG asinou un acordo con Eholo, unha plataforma deseñada especificamente para psicólogos/as, que simplifica a xestión de consultas e o seguimento de pacientes.

Unha solución dixital para optimizar a consulta

A Sección de Psicoloxía e Saúde do Colexio Oficial de Psicoloxía de Galicia organiza o curso de educación en neurociencia e abordaxe psicolóxico en dor crónica, que se celebrará o 29 de marzo de 2025, presencial en Santiago de Compostela e online, a través da plataforma de teleformación Moodle do COPG e Zoom.

O curso ten como obxectivos proporcionar unha compresión actual e integral da dor crónica, desenvolver habilidades prácticas para a intervención e fomentar a educación e empoderamento do paciente.

 O Colexio Oficial de Psicoloxía de Galicia, en colaboración coa aseguradora Brokers'88, vén de convocar a cuarta edición dos seus Premios de Comunicación Xoán Vicente Viqueira, unha iniciativa coa que pretende recoñecer o labor divulgativo da Psicoloxía nos medios de comunicación. De acordo coas bases, están contempladas dúas categorías, dotadas con 2.000 euros cada unha delas.

O Colexio Oficial de Psicoloxía de Galicia participa activamente na nova campaña de sensibilización liderada polas/os farmacéuticas/os galegas/os para combater os trastornos da conduta alimentaria, unha problemática que afecta a 1 de cada 10 mozos e mozas. A colaboración céntrase na creación de materiais divulgativos baseados en evidencia científica e dirixidos a familias, profesionais da educación e da sanidade.

O 9 de xullo de 2024, o Colexio Oficial de Psicoloxía de Galicia (COPG) e o Banco Sabadell asinaron un importante acordo de colaboración.

Este convenio entre o COPG e Sabadell Professional/Banco Sabadell permitirá á entidade bancaria facilitar o acceso a unha ampla gama de produtos e servizos financeiros. A través deste acordo, tanto os colexiados como os seus familiares de primeiro grao poderán beneficiarse destas vantaxes exclusivas.

O Kit Dixital é un programa dirixido a profesionais autónomos e pequenas empresas, que ten como obxectivo subvencionar a implantación de solucións dixitais, mellorando así o seu nivel de madurez dixital.

O axente dixitalizador autorizado, Miguel Maroño, ofrece ás persoas colexiadas do COPG interesadas nesta iniciativa a oportunidade de contar co desenvolvemento do seu sitio web, ademais de ter acceso a un servizo de apoio completo para todos os trámites burocráticos relacionados coa solicitude da subvención e a posterior xustificación.   

En relación coas novas solicitudes dos Certificados EuroPsy (Básico), EuroPsy Especialista en Psicoterapia (vía ordinaria), EuroPsy Especialista en Traballo (vía ordinaria) e EuroPsy Especialista en Deporte (vía ordinaria e veteranos), e co fin de facilitar e axilizar o proceso de novas solicitudes, infórmase que desde o día 1 de xullo de 2024 habilitouse unha web EuroPsy, á cal podes acceder a través da seguinte ligazón Certificado EuroPsy.