Este 3 de xullo, a Consellería de Sanidade publicou a súa oferta pública de emprego (OPE) correspondente a diversas categorías de persoal estatutario do Sistema público de saúde de Galicia para o ano 2025.
Nela vén recollida a convocatoria de 17 prazas para especialistas en Psicoloxía Clínica.
O Laboratorio de Riscos Psicosociais da Universidade de Santiago de Compostela (USC) está a desenvolver unha investigación sobre a "Saúde laboral da poboación asalariada", coa que se busca avanzar no coñecemento sobre como diferentes tipos de demandas laborais afectan á saúde mental e ao benestar das persoas traballadoras.
O obxectivo é analizar como determinadas condicións psicosociais do traballo poden ser percibidas como retos ou como obstáculos, e como esa percepción inflúe no burnout, o engagement, o malestar psicolóxico ou o desempeño laboral.
O venres 3 de outubro celebrarase o curso “A importancia do corpo en psicoterapia” na Facultade de Psicoloxía da Universidade de Santiago de Compostela.
Estará impartida por Alberto Rodríguez Beceiro, G-4861 (Psicólogo habilitado para exercer a psicoloxía sanitaria. Especializado en Trauma. Psicoterapeuta EMDR (formación básica e avanzada), Niveis 1 e 2 Psicoterapia Sensoriomotriz, máster en psicoterapia breve estratéxica. Director da Clínica Meta-Morfosis, e psicólogo en NS Centro de Psicoterapia e Trauma).
A Sección de Psicoloxía Xurídica do Colexio Oficial de Psicoloxía de Galicia organiza o curso “Condutas disociais de menores inimputables: Como intervir máis aló do delito”, que se celebrará o día 11 de outubro no salón de actos do Colexio Oficial de Psicoloxía de Galicia.
A Sección de Psicoloxía e Saúde do Colexio Oficial de Psicoloxía de Galicia organiza o curso “Manexo dos pacientes difíciles. Perfeccionamento no tratamento dos trastornos da personalidade”, que se celebrará os días 12 e 13 de setembro no salón de actos do Colexio Oficial de Psicoloxía de Galicia.
O Colexio Oficial de Psicoloxía de Galicia vén de asinar un convenio de colaboración coa Fundación Campus Universitario de Lugo co obxectivo de facilitar o acceso das persoas colexiadas a formación especializada en ámbitos emerxentes da psicoloxía aplicada, como a xestión de persoas baseada en datos (People Analytics).
Dano Cerebral Galicia, en colaboración co Colexio Maior San Agustín, convoca unha bolsa destinada a estudantes de novo ingreso na Universidade de Santiago de Compostela (curso 2025/2026) que teñan dano cerebral adquirido ou sexan familiares convivintes dunha persoa con DCA, destinada á estadía universitaria durante o curso 2025/2026, que comeza en setembro.
Informamos de que foi publicado no BOE do 25 de abril de 2025 a convocatoria de becas para o alumnado con Necesidade Específica de Apoio Educativo para o curso académico 2025-2026.
Estas axudas van asociadas a trastornos graves da conduta ou trastornos graves da comunicación e da linguaxe, incluíndo ao alumnado con TDAH ou TEA.
O prazo de presentación de solicitudes está aberto desde o 30 de abril de 2025 ata o 11 de setembro de 2025, ambos inclusive.
O Kit Dixital é un programa dirixido a profesionais autónomos e pequenas empresas, que ten como obxectivo subvencionar a implantación de solucións dixitais, mellorando así o seu nivel de madurez dixital.
O axente dixitalizador autorizado, Miguel Maroño, ofrece ás persoas colexiadas do COPG interesadas nesta iniciativa a oportunidade de contar co desenvolvemento do seu sitio web, ademais de ter acceso a un servizo de apoio completo para todos os trámites burocráticos relacionados coa solicitude da subvención e a posterior xustificación.
En relación coas novas solicitudes dos Certificados EuroPsy (Básico), EuroPsy Especialista en Psicoterapia (vía ordinaria), EuroPsy Especialista en Traballo (vía ordinaria) e EuroPsy Especialista en Deporte (vía ordinaria e veteranos), e co fin de facilitar e axilizar o proceso de novas solicitudes, infórmase que desde o día 1 de xullo de 2024 habilitouse unha web EuroPsy, á cal podes acceder a través da seguinte ligazón Certificado EuroPsy.
