Informamos que o día 24 de agosto de 2023 foi publicada no BOE a convocatoria de probas selectivas 2023 para o acceso en 2024 a prazas de formación especializada para Psicólogas/os Clínicas/os. O número de prazas ofertadas é de 247.
O prazo de presentación de solicitudes é desde o 1 de setembro de 2023 ata o 15 de setembro de 2023 ás 17:00:00h.
Convocatoria: BOE Núm. 202 do 24 de agosto de 2023 [accede ao enlace]
A Comisión Intersectorial de Mediación do Colexio Oficial de Psicoloxía de Galicia organiza o curso “Transformando relacións e construíndo comunidades: introdución ás prácticas restaurativas e círculos restaurativos”, que se celebrará o día 14 de de outubro de 2023 na Escola Galega de Administración Pública (EGAP), en Santiago de Compostela.
O Colexio Oficial de Psicoloxía de Galicia vai celebrar o I Congreso Nacional de Psicoloxía de Emerxencias “Sostendo emocións nas emerxencias” os días 2, 3 e 4 de maio de 2024 en Santiago de Compostela.
A Sección de Psicoloxía Xurídica do Colexio Oficial de Psicoloxía de Galicia en colaboración coa Fundación Marxes e Vínculos organizan o curso “Detección e actuación integral sobre a violencia sexual contra a infancia e a adolescencia”, que se celebrará os días 29 e 30 de setembro na Escola Galega de Administración Pública (EGAP) en Santiago de Compostela.
O Colexio Oficial de Psicoloxía de Galicia (COPG) pon en funcionamento a súa sede electrónica. Un sistema seguro e que substituirá, para quen así o elixa, a notificación en papel ou por correo electrónico.
Podes acceder no seguinte enlace: https://sede.copgalicia.gal/
Para resolver calquera dúbida ou aclaración sobre esta cuestión, podes contactar na dirección electrónica copgalicia@copgalicia.gal
A continuación deixamos información sobre o servizo PIN 24 horas (PIN24H) que ofrece o Colexio Oficial de Psicoloxía de Galicia para a identificación na sede electrónico do COPG para as persoas que non dispoñen de certificado dixital e así poder realizar calquera trámite de xeito telemático na mesma con total seguridade.
Infórmase de que os/as licenciados/as en Psicoloxía pola Universidade de Santiago de Compostela (USC), ou calquera outra universidade, con anterioridade ao 1 de outubro de 2009, poden solicitar o certificado pedagóxico e didáctico nas instancias administrativas da propia universidade.
Podes acceder aquí aos arquivos coa normativa e modelo de solicitude: [acceder]
